BABA YAKE ALABA AKUNWA NA TAARIFA ZA MWANAE KUWANIWA NA MADRID.

BABA na wakala wa beki wa Bayern Munich, David Alaba anajivunia kusikia tetesi kuwa kijana wake huyo anawaniwa na Real Madrid. Taarifa kutoka nchini Hispania zimedai jana kuwa mabingwa hao wa Ulaya walikuwa wakijipanga kutoa ofa ya euro milioni 50 kwa ajili ya nyota huyo wa kimataifa wa Austria. Baba yake George ambaye pia ndio wakala wake hajataka kuingiza kwa undani kuhusu suala hilo lakini amekiri kuwa tetesi hizo zinamfanye ajivunie kijana wake huyo mwenye umri wa miaka 23. Akihojiwa George amesema amefurahishwa na habari hizo kuwa Madrid inamuwania Alaba lakini hawezi kutoa kauli yeyote kuhusiana na suala hilo.