POGBA AKANUSHA KUNUNUA MJENGO BARCELONA.

KIUNGO mahiri wa Juventus, Paul Pogba amekanusha taarifa zinazodai kuwa tayari ameshanunua nyumba jijini Barcelona. Nyota huyo wa kimataifa wa Ufaransa anatarajiwa kuwa gumzo kubwa miongoni mwa wachezaji wakati wa kipindi hiki cha usajili wa kiangazi baada ya kuonyesha kiwango bora jijini Turin ambacho kimemuwezesha kutwaa mataji mawili akiwa na Juventus. Barcelona, Real Madrid, Manchester United, Chelsea na Paris Saint-Germain zimekuwa zikitajwa mara kwa mara kupigana vikumbo kugombea saini ya nyota huyo mwenye umri wa miaka 23 lakini taarifa zimekuwa zikivuma zaidi upande wa Barcelona hivi karibuni kufuatia taarifa hizo kuwa amenunua huko. Hata hivyo akiulizwa kuhusu tetesi hizo na mashabiki wake katika ukurasa wake wa mtandao wa kijamii wa facebook alikanusha kuwa sio za kweli. Pogba amewasili nchini Austria akiwa na kikosi cha Ufaransa mapema leo kwa ajili ya kuweka kambi ya kujiwinda na michuano ya Euro 2016.