KLOPP ANASWA NA KAKA YAKE HIGUAIN.

MENEJA wa Liverpool, Jurgen Klopp amezua mjadala baada ya kunaswa katika picha akiwa na sambamba na kaka na wakala wa Gonzalo Higuain wakati wa mchezo wa michuano ya Copa America kati ya Argentina na Chile. Mshambuliaji huyo wa Napoli ambaye amefunga mabao 38 katika mechi 42 alizocheza msimu huu amekuwa akihusishwa na tetesi za kwenda katika klabu za Liverpool, Arsenal na Chelsea. Na kuonekana kwa Klopp akiwa na kaka yake Nicolas kunaongeza tetesi hizo kuwa sasa nyota huyo anaweza kutua Anfield majira ya kiangazi. Hiaguain amekuwa na msimu mzuri Napoli ambapo amevunja rekodi iliyodumu kwa miaka 66 ya kuwa mfungaji aliyefunga mabao mengi zaidi kwa msimu Serie A. Nyota huyo wa zamani wa Real Madrid alianza katika kikosi cha Argentina katika mchezo huo lakini hakufunga bao katika ushindi wa mabao 2-1 waliopata dhidi ya mabingwa hao watetezi.