MOURINHO AANZA USAJILI KWA KULINASA BEKI LA VILLARREAL.

KLABU ya Manchester United imekamilisha usajili wa beki wa Villarreal Eric Bailly. Nyota huyo wa kimataifa wa Ivory Coast mwenye umri wa miaka 22 amejiunga na United kwa ada ya paundi milioni 30 na kupewa mkataba wa miaka minne. Akihojiwa bailly amesema ndoto zake zimetimia za kujiunga na United na kucheza soka katika kiwango cha juu kama siku zote alivyotaka iwe. Meneja mpya wa United, Jose Mourinho amesema Bailly ana nafasi kubwa ya kuja kuwa mmoja wa wachezaji bora duniani. Bailly alijiunga na Villarreal kwa kitita cha paundi milioni 4.4 Januari mwaka 2015 na kucheza katika kila mechi wakati Ivory Coast ikishinda taji la Mataifa ya Afrika wiki chache baadae. Huo unakuwa usajili wa kwanza wa Mourinho toka atue Old Trafford huku pia wakitajwa kumuwania mshambuliaji wa Paris Saint-Germain Zlatan Ibrahimovic.