VARDY HANA UZOEFU WA KUANZA KIKOSI CHA UINGEREZA - WENGER.

MENEJA wa Arsenal, Arsene Wenger amedai kuwa Jamie Vardy hawezi kuanza katika kikosi cha Uingereza katika michuano ya Euro 2016, akiamini kuwa nyota huyo hana uzoefu wa kutosha katika michuano ya kimataifa. Mshambuliaji wa Leicester City bado anafikiria uhamisho wake kwenda Arsenal baada ya klabu hiyo kumtengea kitita cha paundi milioni 20 na kocha wa Uingereza Roy Hodgson anataka sakata hilo la uhamisho limelizike haraka. Leicester bado wanapambana kujaribu kumbakisha nyota wao huo kwa kukaribia ofa ya mshahara wa paundi 120,000 ambazo Arsenal wameahidi kumpa lakini Wenger haamini kama kiwango chake alichoonyesha katika Ligi Kuu kitaweza kumpa nafasi ya kuanza moja kwa moja katika mchezo dhidi ya Urusi Jumamosi hii. Akihojiwa Wenger amesema hadhani kama Vardy ataanza katika mchezo huo kwababu hana uzoefu wa kutosha wa michuano ya kimataifa mpaka kufikia hatua ya kuwa tegemeo.