ARSENAL KUMTENGEA OFA NONO MORATA.

KLABU ya Arsenal inajipanga kutoa ofa nono katika mkataba ili kumshawishi Alvaro Morata kuondoka Real Madrid kiangazi hiki. Nyota huyo wa kimataifa wa Hispania amerudi kwa mabingwa hao wa Ulaya akitokea Juventus kwa kitita cha paundi milioni 23 na anaweza kuwa sokoni kwa kitita cha paundi milioni 30 wakati Zinedine Zidane akijaribu kutengeneza faida ya haraka. Morata anafukuziwa na vilabu kadhaa vikubwa Ulaya na Arsenal wana matumaini wataweza kushindana na wapinzani wao kwa kumtengenea ofa ya mshahara wa paundi 144,000 kwa wiki. Kama wakifanikiwa kumnasa Morata atakuwa mchezaji wa tatu kumsajili kipindi hiki baada ya kuwa tayari wamewapata nyota wa kimataifa ya Uswisi Granit Xhaka na Takuma Asano wa Japan.