MOURINHO ANATAKA KUFIKIA REKODI ZA FERGUSON UNITED.

MENEJA mpya wa Manchester United, Jose Mourinho amekiri anataka kufikia rekodi iliyowekwa na Sir Alex Ferguson wakati alipotambulishwa rasmi Old Trafford mapema leo. Mourinho mwenye umri wa miaka 53 anachukua nafasi ya Mholanzi Louis van Gaal wakati klabu hiyo ikijaribu kurejesha makali yake na kupigania taji la Ligi Kuu, jambo ambalo hawajafanya toka Ferguson alipoondoka mwaka 2013. Mourinho ana historia ya kukaa vipindi vifupi katika klabu mbalimbali alizopitia lakini ametangaza nia yake ya kutengeneza aina ya mfumo kama wa Ferguson akiwa Old Trafford. Akiongea na wanahabari na mashabiki waliofika kumlaki, Mourinho amesema haweza kuficha kwani anataka kufukuzia rekodi za Ferguson. Mourinho aliendelea kudai kuwa anafahamu historia ya klabu na anajua mashabiki wanategemea nini kutoka kwake hivyo hana mashaka yeyote kwani kazi hiyo imekuja wakati muafaka katika maisha yake ya soka.