RASMI: NANI ATUA VALENCIA:

KLABU ya Valencia, imefanikiwa kumsajili winga Luis Nani kutoka Fenerbahce, kufuatia kufikia kitenzi cha euro milioni 8.5 cha kutengua mkataba wake. Nyota huyo wa zamani wa Manchester United anajiunga na Valencia kwa mkataba wa miaka mitatu na anatarajiwa kujiunga na kikosi hicho kwa ajili ya maandalizi ya msimu ujao pindi atakapomaliza majukumu na timu yake ya taifa ya Ureno kwenye michuano ya Ulaya. Taarifa rasmi kuthibitisha taarifa hizo ilitumwa katika mtandao wa klabu hiyo, huku masuala mengine binafsi yakitarajiwa kukamilishwa baada ya michuano ya Ulaya ambapo Ureno imetinga hatua ya nusu fainali. Nani mwenye umri wa miaka 29, amewahi kuichezea Sporting CP msimu wa 2005 mpaka 2007 na 2014-2015, Manchester United msimu wa 2007 mpaka 2014 na Fenerbahce msimu wa 2015-2016.