GURDIOLA AMTAKA BRAVO ILI KULETA CHANGAMOTO KWA HART.

MENEJA mpya wa Manchester City, Pep Guardiola anadaiwa kutaka kufanya mabadiliko zaidi katika kikosi chake kuelekea katika msimu mpya wa Ligi Kuu na anataka kuongezea ushindani katika nafasi ya kipa kwa kumuwania Claudio Bravo wa Barcelona. Kipa namba moja wa City, Joe Hart amekuwa akikosolewa vikali kwa kiwango kibovu alichoonyesha katika michuano ya Ulaya wakati Uingereza ilipotolewa kaika hatua ya 16 bora na Iceland. Aina ya mfumo wa mchjezo wa pasi nyingi anaotumia Guardiola unaonekana unaweza kuleta shida kwa Hart hivyo meneja huyo ameitaka klabu hiyo kuangalia chaguo lingine. Taarifa kutoka nchini Hispania zimedai kuwa City wanajipanga kumuwania kipa huyo wa kimataifa wa Chile mwenye umri wa miaka 31 na wana uhakika wako katika nafasi nzuri ya kuishawishi Barcelona wawauzie.