JUVENTUS YAMUWANIA DEPAY.

KLABU ya Juventus inadaiwa kufikiria kutoa ofa kwa ajili ya winga wa Manchester United Memphis Depay. Nyota huyo wa kimataifa wa Uholanzi, amekuwa na msimu mbaya Old Trafford toka alipotoka PSV Eindhoven, kufuatia kuanza katika mechi 16 kati ya 29 za Ligi Kuu msimu uliopita na kufunga mabao mawili pekee. Kufuatia kuachwa katika kikosi cha kwanza na meneja aliyeondoka Louis van Gaal mwishoni mwa msimu uliopita, kumezuka wasiwasi kuwa muda wake wa kukaa Old Trafford unaweza kufupishwa haswa kutokana na meneja mpya Jose Mourinho kujaribu kukijenga upya kikosi chake. Juventus mabingwa wa Serie A wao wanajaribu kuimarisha safu yao ya ushambuliaji na kufuatia kuondoka kwa Juan Cuadrado waliyekuwa naye kwa mkopo kutoka Chelsea, wanadhani Depay anaweza kuwa suluhisho lao. Vyombo vya habari nchi Italia vinaamini kuwa Juventus wanaweza kumnasa mshambuliaji huyo kwa kitita cha euro milioni 20.