MOURINHO KUPUNGUZA NANE ILI KUTOA NAFASI KWA POGBA.

MENEJA mpya wa Manchester United, Jose Mourinho anadaiwa kuwa tayari kuuza wachezaji nane ili aweze kutoa nafasi ya kuweza kumnasa kiungo wa Juventus Paul Pogba. Taarifa kutoka nchini Uingereza zinadai kuwa meneja huyo Mreno anataka kufanya kazi na kikosi cha wachezaji 22 pekee, huku usajili wa paundi milioni 100 kwa Pogba ukiwa katika mipango yake. Taarifa hizo zinadai kuwa Marcos Rojo, Morgan Schneiderlin na Bastin Schweinsteiger wako katika hatari ya kuondoka baada ya kuwa na msimu mbovu chini ya Louis van Gaal. Pia kuna wasiwasi katika orodha hiyo akawepo Juan Mata, Daley Blind na Adnan Januzaj.