JUVE WATUPA TAULO, MORATTA ADAI ARSENAL HAWANA MPANGO WA KUMUUZA SANCHEZ.

OFISA mkuu wa Juventus, Giuseppe Moratta amethibitisha nia ya klabu hiyo kutaka kumsajili Alexis Sanchez lakini amebainisha kuwa Arsenal hawana mpango wowote wa kumuuza mshambuliaji huyo. Taarifa zinadai kuwa mabingwa hao wa Italia walikuwa wametoa ofa ya euro milioni 44 lakini ilikataliwa haraka. Na wakati akifanya mahojiano na gazeti moja la Chile, Moratta amekiri kuwa Arsenal wamewaweka wazi kuwa nyota wao huyo hawatamuuza. Moratta amesema Sanchez ni mchezaji mkubwa lakini anasikitika hawataweza kuwa naye kwasababu Arsenal hawatakubalia kumuachia. Sanchez alijiunga na Arsenal akitokea Barcelona mwaka 2014 na bado ana mkataba Emirates wa miaka miwili zaidi.