JUVENTUS YAMGEUKIA BENZEMA.

KLABU ya Juventus, imemrudia mshambuliaji wa Real Madrid Karim Benzema katika mbio zao za kuimarisha safu yao ya ushambuliaji. Juventus wanataka kutafuta mbadala wa Alvaro Morata baada ya nyota huyo wa kimataifa wa Hispania kurejea Madrid kiangazi hiki, na taarifa za kubakia Santiago Bernabeu ndio zimezua tama yao ya kumtaka Benzema. Mabingwa wa Serie A wana matumaini ya kumnasa nyota huyo wa kimatifa wa Ufaransa kwa ahadi ya kumpa nafasi ya kucheza katika kikosi cha kwanza kila wiki, ingawa wanakabiliwa na ushindani kutoka kwa Wolfsburg. Wolfsburg tayari wameshatoa ofa ya euro milioni 30, ingawa Madrid waliikataa kutokana na kuwa ndogo kuliko waliyohitaji.