JUVENTUS YAMUACHA MKONGWE PADOIN.

KIUNGO mkongwe wa Juventus, Simone Padoin ameondoka katika klabu hiyo na kwenda Cagliari kwa ada ya euro 600,000 ambayo italipwa katika kipindi cha miaka mitatu. Mkongwe huyo mwenye umri wa miaka 32 amesaini mkataba na klabu yake hiyo mpya ambao utamalizika Juni 2019. Padoin amefanikiw akushinda mataji manne ya Serie A katika kipindi alichokuwa Juventus akiwa mchezaji muhimu katika kikosi cha timu hiyo toka alipojiunga nao akitokea Atalanta Januari mwaka 2012. Kiungo huyo alikuwa akitaka kuendelea kubakia lakini kwa masharti ya kupata muda mwingi wa kucheza na Juventus wameamua kumruhusu aondoke. Juventus tayari wameshawaacha Alvaro Morata, Martin Caceres na Rubinho.