PALACE YAMNASA TOWNSEND, NEWCASTLE YAMCHUKUA GAYLE.

KLABU ya Crystal Palace imetangaza kumsajili Andros Townsend kutoka Newcastle United kwa mkataba wa miaka mitano na ada ya paundi milioni 13. Townsend alijiunga na Newcastle Januari mwaka huu akitokea Tottenham Hotspurs, akifunga mabao manne katika mechi 13 alizoichezea klabu hiyo iliyoshushwa daraja kutoka katika Ligi Kuu. Nyota huyo mwenye umri wa miaka 24 aliiitwa katika kikosi cha awali cha Roy Hodgson kwa ajili ya michuano ya Ulaya lakini aliachwa katika uteuzi wa mwisho. Akihojiwa Townsend alieleza kufurahishwa kwake kusajiliwa na Palace na kuahidi kujituma ili kuisaidia klabu hiyo. Kwa upande mwingine nyota wa Cryastal Palace Dwight Gayle amejiunga na Newcastle United akitokea Palace, pia akipewa mkataba wa miaka mitano kwa ada ya paundi milioni 10.