RONALDO ASHIKA NAFASI YA NNE KATIKA WATU MAARUFU WANAOINGIZA MKWANJA MREFU ZAIDI DUNIANI, MESSI WANANE.

MSHAMBULIAJI nyota wa kimataifa wa Ureno na klabu ya Real Madrid, Cristiano Ronaldo ametajwa kuwa mmoja wa watu maarufu wanaolipwa zaidi duniani akiwa katika nafasi nne. Ronaldo ambaye ametwaa taji la michuano ya Ulaya akiwa na Ureni Jumapili iliyopita, anadaiwa kuingiza jumla ya dola milioni 88 ikiwa ni mshahara na mikataba ya udhamini hivyo kumuweka pamoja na nyota wa luninga nchini Marekani Dr. Phil McGraw. Kwa mujibu wa vielelezo vilivyotolewa na jarida maarufu la Forbes, Ronaldo mwenye umri wa miaka 31, anaingiza kiasi cha paundi milioni 55 za mshahara wakati kiasi kingine kilichobakia kinatokana na mikataba kadhaa ya udhamini aliyonayo zikiwemo kampuni za Nike, Tag Heuer, Sacoor Brothers na Monster headphones. Mwanamichezo wa tatu maarufu anayelipwa zaidi ni nguli wa mpira wa kikapu Lebron James anayeingiza kiasi cha dola milioni 77, wakati mwanamuziki Taylor Swift ndio anaongoza orodha hiyo akiwa anaingiza dola milioni 170. Ronaldo anamzidi hasimu wake nyota wa Barcelona Lionel Messi anayeshika nafasi ya nane katika orodha hiyo akiingiza kiasi cha dola milioni 81.