STOPILLA SUNZU ASAJILIWA RASMI LILLE.

KLABU ya Lille ya Ufaransa imefanikiwa kumsajili nyota wa kimataifa wa Zambia, Stoppila Sunzu na kumpa mkataba wa miaka mitatu ambao utamuweka katika Uwanja wa Pierre-Mauroy mpaka 2019. Mkurugenzi msaidizi wa klabu hiyo, Jean-Michel Vandamme alithibitisha taarifa hizo katika mtandao na kuongeza kuwa Sunzu atakuwa msaada mkubwa katika kikosi chao haswa katika michuano ya Europa League. Vandamme aliongeza kuwa kocha wao Frederic Antonetti amekuwa shabiki mkubwa wa nyota huyo kutoka uwezo wake mkubwa aliokuwa nao. Beki huyo alicheza kwa mafanikio akiwa kwa mkopo katika klabu hiyo msimu uliopita na sasa amesajiliwa rasmi akitokea klabu ya Shanghai Shenhua ya China.