TORRES APEWA MWAKA MMOJA ATLETICO.

KLABU ya Atletico Madrid imempa mkataba wa mmwaka mmoja Fernando Torres kufuatia kumalizika kwa mkataba wake AC Milan. Akihojiwa na mtandao wa klabu hiyo, Torres alieleza furaha yake ya kuendelea kubakia nyumbani kwani ndio mahali pekee anapohitaji kuwepo. Torres alijiunga na Atletico kwa mkopo wa miezi 18 akitokea AC Milan Januari mwaka 2015 lakini alifanikiwa kufunga mabao sita katika mechi 27 alizocheza kabla ya kumalizika kwa msimu wa 2014-2015. Mkongwe huyo mwenye umri wa miaka 32, aliendelea kusuasua msimu uliofuata lakini baada ya ukame wa karibia miezi minne, alifanikiwa kufunga bao lake la 100 kwa klabu hiyo katika ushindi wa mabao 3-1 dhidi ya Eibar Februari mwaka huu. Torres alijiunga na Atletico akiwa na umri wa miaka 11, na kufanikiwa kuibuka katika kikosi cha kwanza akiwa na umri wa miaka 17 kwenye mchezo dhidi ya Laganes mwaka 2001.