WEST HAM YAKARIBIA KUMNASA BACCA.

KLABU ya West Ham United inadaiwa kufikia hatua nzuri katika mazungumzo ya kumsajili mshambuliaji wa AC Milan Carlos Bacca. Hata hivyo, wakala wa Bacca, Sergio Barila amethibitisha kuwa Atletico Madrid na Paris Saint-Germain pia zinamuwania nyota huyo mwenye umri wa miaka 29. Nyota huyo wa kimataifa wa Colombia ambaye alijiunga na Milan akitokea Sevilla mwaka jana, amefunga mabao 18 katika Serie A wakati klabu hiyo ikimaliza katika nafasi ya saba katika msimamo wa ligi. Mwezi uliopita Barila alibainisha kuwa mteja wake huyo yuko tayari kuondoka kufuatia kushindwa kwa klabu hiyo kufuzu michuano ya Ulaya.