GUARDIOLA AMVULIA KOFIA AGUERO.

MENEJA wa Manchester City, Pep Guardiola anaamini hastahili sifa yeyote kwa kiwango kikubwa alichonacho Sergio Aguero toka kuanza kwa msimu mpya. Katika mchezo wa jana Aguero aliibuka nyota wa mchezo kwa kufunga mabao matatu katika ushindi wa mabao 4-0 waliopata City dhidi ya Borussia Monchengladbach katika mchezo wa kundi C wa michuano ya Ligi ya Mabingwa Ulaya. Akihojiwa mara baada ya mchezo huo, Guardiola amesema Aguero amekuwa mchezaji mzuri toka wakati wa Manuel Pellegrini na pia timu ya taifa. Meneja huyo aliendelea kudai kuwa uwezo wake mkubwa wa kufunga anapokuwa karibu na goli ni wa kipekee na hawezi kumfundisha chochote katika hilo.