USHINDI WAMPA JEURI ZIDANE.

MENEJA wa Real Madrid, Zinedine Zidane amedai kuwa hakuwatilia shaka wachezaji wake katika ushindi wa mwishoni wa mabao 2-1 waliopata katika mchezo wao wa kundi F wa michuano ya Ligi ya Mabingwa Ulaya dhidi ya Sporting Lisbon jana usiku. Lisbon ndio waliotangulia kuliona lango la wenyeji wao katika Uwanja wa Santiago Bernabeu kupitia kwa Bruno Cesar dakika ya 47. Hata hivyo, Madrid walikuja kusawazisha bao hilo dakika za mwisho kwa mpira wa dhabu kabla ya Alvaro Morata aliyeingia akitokea benchi kuja kufunga bao lingine la ushindi muda wa mwisho kabisa. Akihojiwa mara baada ya mchezo huo, Zidane amesema hadhani kama ulikuwa ushindi usiotegemewa au la kwani wachezaji wake walikuwa wakiamini mpaka mwisho. Meneja huyo aliendelea kudai kuwa anafahamu kuwa hawakucheza vizuri kama watu walivyotegemea lakini sio kila siku wataweza kufunga mabao 5-0.