MAN CITY KUMKATIA RUFANI AGUERO.

KLABU ya Manchester City itakata rufani kupinga kesi ya vurugu dhidi ya mshambuliaji wao Sergio Aguero ambaye anashitakiwa kwa kumpiga kiwiko Winston Reid wa West Ham United. Aguero mwenye umri wa miaka 28, alifanya tukio hilo katika mchezo baina ya timu hizo uliochezwa Jumapili iliyopita ambapo City walishinda kwa mabao 3-1. Kama akikutwa na hatia, nyota huyo wa kimataifa wa Argentina atafungiwa kutocheza mechi tatu na kumfanya kukosa mchezo muhimu wa Manchester derby utakaochezwa Septemba 10 mwaka huu. Mbali na mchezo huo, Aguero pia anaweza kukosa mchezo wa ligi dhidi ya Bournemouth na ule wa Kombe la Ligi dhidi ya Swansea City.