KLOPP HANIFAHAMU - BALOTELLI.

MSHAMBULIAJI wa zamani wa Liverpool, Mario Balotelli amesema alimwambia meneja Jurgen Klopp kuwa hataweza kuonana nane tena mwishoni mwa mazungumzo yao pekee alipokuwa Merseyside. Balotelli amerejea katika kiwango chake toka alipojiunga na Nice akitokea Liverpool majira ya kiangazi baada ya kushindwa kung’aa Anfield toka aliposajiliwa kwa paundi milioni 16 akitokea AC Milan mwaka 2014. Akihojiwa kuhusiana na uhusiano wake na Klopp, Balotelli amesema meneja huyo hamfahamu kwani alikuwa Liverpool kwa kipindi cha mwezi mmoja na nusu na aliwahi kuzungumza naye mara moja pekee. Balotelli aliendelea kudai kuwa meneja huyo alimwambia aende kucheza kwa mkopo kasha arejee tena lakini alimwambia kuwa kamwe hatamuona tena.