NEYMAR AMWAGA DAMU BRAZIL IKISHINDA.

MSHAMBULIAJI nyota wa kimataifa wa Brazil, Neymar mapema leo alijikuta akitolewa nje huku akivuja damu baada ya kupigwa kiwiko usoni katika ushindi wa mabao 5-0 waliopata dhidi ya Bolivia. Nyota huyo wa Barcelona alifunga bao moja na kutengeneza mengine mawili wakati Brazil ilipopata ushindi huo mnono katika mchezo wao wa kufuzu Kombe la Dunia kwa nchi za Amerika Kusini-CONMEBOL uliofanyika huko Natal. Neymar alianguka chini baada ya kupigwa kiwiko kwa bahati mbaya na beki wa Bolivia kasha kutolewa katika dakika ya 69 na nafasi yake kuchukuliwa na Willian. Neymar tayari alishapata kadi ya njano katika dakika ya 36 ambayo itamfanya kukosa mechi ya Jumanne ijayo ya kufuzu dhidi ya Venezuela.