BALOTELLI AANZA VITUKO UFARANSA.

MSHAMBULIAJI nyota wa Nice, Mario Balotelli ameapa kurusha helikopta kuzunguka mji huo kama klabu yake ikifanikiwa kushinda taji la Ligue 1 msimu huu. Nice kwasasa ndio wanaongoza msimamo wa ligi kwa tofauti ya alama tatu huku Balotelli mwenye umri wa miaka 26 akiwa amefunga mabao sita mpaka sasa toka atue klabuni hapo akitokea Liverpool. Paris Saint-Germain wameshinda taji hilo katika misimu minne iliyopita mfululizo nab ado wanapewa nafasi ya kutetea taji lao pamoja na kuwepo katika nafasi ya tatu kwenye msimamo. Akihojiwa Balotelli amesema anafurahia kuwepo Nice kwani amefanikiwa kuzoea mazingira mapema na kocha amekuwa mtu mzuri. Nyota huyo aliendelea kudai kuwa pamoja anafahamu kuwa wana safari ndefu kuelekea ubingwa lakini kama wakifanikiwa kutwaa taji hilo ataendesha helikopta kuuzunguka mji huo ili kusheherekea.