MADRID KUMUWANIA AGUERO.

KLABU ya Real Madrid inadaiwa kuwa itamuwania Sergio Aguero katika usajili wa kiangazi mwakani, pamoja na timu hiyo kukabiliwa na kifungo cha kuzuiwa kusajili. Meneja wa Madrid Zinedine Zidane bado anatafuta wachezaji atakaoweza kuwasajili kiangazi, wakati huu ambapo klabu hiyo bado inaendelea kukata rufani kupinga kufungiwa kusajili na Shirikisho la Soka Duniani-FIFA. Nyota huyo wa Manchester City ni mmoja kati ya wachezaji ambao Madrid wanataka kuwasajili wakati huo. Madrid pia inamfuatilia kwa karibu mshambuliaji wa Borussia Dortmund Pierre-Emerick Aubameyang.