MESSI ATAKA UMOJA KUFUATIA KIPIGO WALICHOPATA BRAZIL.

NAHODHA wa kikosi cha timu ya taifa ya Argentina, Lionel Messi amewataka mashabiki wa soka wa nchi hiyo kuungana pamoja na kipigo kizito walichopata kutoka kwa Brazil. Argentina ambao sasa wameshindwa kupata ushindi katika mechi zao nne za kufuzu Kombe la Dunia, walitandikwa mabao 3-0 na Brazil ambao ndio vinara katika msimamo wan chi za Amerika Kusini-CONMEBOL. Akihojiwa mara baada ya mchezo huo, Messi amesema hakutegemea matokeo hayo lakini kwasasa wanapaswa kuungana na kuangalia mchezo wao ujao ili wapate matokeo mazuri. Argentina inakabiliwa na mchezo dhidi ya Colombia Jumanne ijayo na ushindi utakuwa ni muhimu zaidi ili kuweka hai matumaini yao ya kufuzu michuano hiyo itakayofanyika huko Urusi.