EVERTON YANASA KINDA KUTOKA CHARLTON.

KLABU ya Everton imekamilisha rasmi usajili wa paundi milioni 11 wa mshambuliaji chipukizi wa Charlton Athletic, Ademola Lookman. Chipukizi huyo mwenye umri wa miaka 19 amesaini mkataba wa miaka minne ambao utamalizika Juni mwaka 2021. Lookman amefunga mabao saba katika mechi 25 za mashindano yote alizoichezea klabu hiyo ya daraja la kwanza msimu huu. Akihojiwa mara baada ya usajili huo, Lookman amesema anajisikia furaha kuwa mchezaji wa Everton kwani mapema aliposikia kuwa klabu hiyo inamuhitaji alijua kuwa hilo ndio sehemu sahihi kwenda.