PSG YAMGEUKIA DEPAY.

KLABU ya Paris Saint-Germain inadaiwa kumuwania winga wa Manchester United Mholanzi Memphis Depay. Meneja wa United Jose Mourinho tayari ameshamwambia winga huyo kutafuta timu nyingine huku Everton na Lyon zote zikitajwa kumtaka. PSG walikaribia kumsajili Depay kabla hajakwenda Old Trafford kwa kitita cha paundi milioni 25 mwaka 2015 lakini sasa wanaonekana kumuhitaji tena mchezaji huyo ambaye hajacheza katika kikosi cha United toka Novemba mwaka jana. United inataka kitita cha paundi milioni 15 kwa Depay baada ya kukataa ofa ya paundi milioni 10 iliyotolewa na Everton.