YANGA YAICHARANGA STAND.

MABINGWA watetezi wa Ligi Kuu Tanzania Bara, Yanga wameendelea kung’ang’ania kileleni baada ya kuichapa Stand United kwa mabao 4-0 katika mchezo uliochezwa Uwanja wa Taifa, Dar es Salaam. Ushindi huo sasa unaifanya Yanga kufikisha alama 49, baada ya kucheza michezo 21, wakifuatia na watani zao Simba waliopo nafasi ya pili wakiwa na alama 44 baada ya kucheza michezo 20. Mabao ya Yanga katika mchezo huo yamefungwa na Donaldo Ngoma dakika 17, Simon Msuva dakika ya 26, Obrian Chirwa dakika ya 45 na Nadir Haroub dakika ya 68. Msuva sasa anafikisha mabao 10 na kuongoza orodha ya wafunga akiwapia Amis Tambwe na Shiza Kichuya wenye mabao tisa kila mmoja.