Barcelona Vs Spartak Moscow 3-2 All Highlights And Goals 9-19-2012

Bayern Munich v Valencia 2-1 All Goals & Highlights (Kroos #1) UEFA Cham...

Chelsea vs Juventus [2-2] All Goals & Highlights HD

MAJERUHI YAIANDAMA BARCELONA.

MAJERUHI yameendelea kuiandama klabu ya Barcelona baada beki wake wa kati Gerard Pique naye kuumia katika mchezo wa jana ambapo anatarajiwa kuwa nje ya uwanja kwa kipindi cha wiki mbili au tatu. Pique aliumia mguu wake wa kushoto wakati timu yake hiyo ikicheza mchezo wa kwanza wa Ligi ya Mabingwa Ulaya dhidi ya Spartak Moscow mchezo ambao walishinda kwa mabao 3-2. Mara baada ya kuumia alipatiwa matibabu na kurejea tena uwanjani lakini muda mfupi baadae alishindwa kuendelea na nafasi yake kuchukuliwa na mchezaji mpya aliyesajiliwa msimu huu akitokea Arsenal, Alex Song katika dakika ya 12 ya mchezo huo. Kuumia kwa mchezaji huyo kunaongeza orodha ya wachezaji majeruhi ambapo beki mwingine tegemeo wa klabu hiyo Carles Puyol na kiungo Andres Iniesta nayo bado wanauguza majeruhi walipata hivi karibuni. Pique anatarajiwa kukosa michezo miwili ya ligi ambapo Barcelona itaikaribisha Granada Jumamosi pamoja na ule wa ugenini dhidi ya Sevilla wiki moja baadae lakini anategemewa kuwemo katika kikosi kitakachopambana na Benfica Octoba 2 katika mchezo wa Ligi ya Mabingwa Ulaya.

MANCINI AMJIA JUU HART.

MENEJA wa klabu ya Manchester City, Roberto Mancini amemjia juu na kumponda golikipa wake Joe Hart baada ya Cristiano Ronaldo kuifungia bao la ushindi Real Madrid katika dakika za majeruhi katika mchezo wa Ligi ya Mabingwa Ulaya uliochezwa katika Uwanja wa Santiago Bernabeu. Akihojiwa mara baada ya mchezo huo Hart alionyeshwa kuchukizwa na kitendo cha timu yake kuwa mbele kwa mabao 2-1 zikiwa zimebakia dakika tatu mchezo kumalizika kabla ya Madrid kusawazisha na kuongeza la ushindi na kupelekea timu hiyo kuibuka na ushindi wa mabao 3-2. Lakini Mancini alimjia juu golikipa huyo na kumwambia kuwa hana haki ya kulaumu mwenye haki ya kufanya hivyo ni yeye mwenyewe kwani alichotakiwa kufanya hart na kukaa golini na kujaribu kuokoa hatari zilizokuwa zikiwakabili katika dakika hizo za mwisho. Mancini alikiri kuwa hivi sasa msukumo umekuwa mkubwa katika kundi D lakini alisisitiza kuwa hatarajii City kuenguliwa tena katika hatua ya makundi msimu huu. Michuano hiyo inaendelea tena leo ambapo Chelsea watakuwa wenyeji wa Juventus, Manchester United nayo itaikaribisha Galatasaray ya Uturuki huku Bayern Munich nao wakiikaribisha Valencia wakati Barcelona watakuwa wenyeji wa Spartak Moscow. Michezo mingine itazikutanisha timu za Braga ambayo itamenyana na CFR Cluj, Lille itapimana ubavu na BATE, Shaktar Donetsk itapepetana na Nordsjaelland huku Celtic wakichuana na Benfica.

MAOFISA FIFA WATUA JAPAN KUKAGUA VIWANJA VYA CLUB WORLD CUP.

MAOFISA wa Shirikisho la Soka Duniani-FIFA ambao walipitisha mifumo miwili ya teknologia ya kompyuta katika mstari wa goli waliwasili nchini Japan jana kwa ajili ya kukagua viwanja vitakavyotumika kwa ajili ya michuano ya Klabu Bingwa ya Dunia. Maofisa hao wametua nchini humo ikiwa yamepita masaa machache baada ya timu ya Everton nayo kukataliwa bao la wazi ambapo mpira ulionekana kuvuka mstari lakini mshika kibendera alishindwa kuona sawasawa na kukataa bao hilo katika mchezo wa Ligi Kuu nchini Uingereza dhidi ya Newcastle. Ligi Kuu ya nchini Uingereza ilikuwa ya kwanza kutaka kutumia mojawapo ya mifumo hiyo lakini walishindwa kufanya hivyo baada ya muda kutoruhusu kufanya hivyo. Mifumo hiyo ambayo mmoja unaitwa Hawk-Eye na GoalRef inatarajiwa kuwekwa katika viwanja viwili tofauti kila mmoja nchini Japan kwa ajili ya michuano ya Klabu Bingwa ya Dunia hayo yakiwa majaribio yake ya mwisho kabla ya kuanza kutumika ramsi katika mashidano mbalimbali.

MOYES ALALAMIKIA MABAO WALIYOKATALIWA.

Moja ya bao lililokataliwa likionekana kuvuka mstari.

MENEJA wa klabu ya Everton David Moyes amemlalamikia mwamuzi msaidizi Ceri Richards aliyechezesha mchezo baina ya timu yake na Newcastle ambao uliisha kwa sare ya mabao 2-2 kwa kuinyima timu yake mabao mawili ya wazi. Mwamuzi huyo alinyoosha kibendera kimakosa akidhani Marouane Fellaini alikuwa ameotea wakati akifunga bao kipindi cha pili kabla ya kushindwa kuona mpira uliokuwa umevuka mstari wa goli uliopigwa kwa kichwa na Victor Anichebe. Moyes alikiri kuwa mara baada ya mchezo huo alienda katika vyumba vya waamuzi lakini sio kwa ugomvi bali kumwambia mshika kibendera huyo kama aliyaona mabao hayo mawili aliyokataa. Meneja wa Newcastle nae alikiri kuwa mshika kibendera huyo alifanya makosa kwani mpira aliopiga Anichebe ulikuwa kweli umevuka mstari na kusema kuwa kuna umuhimu wa mfumo wa teknologia ya kompyuta katika mstari wa goli kuanza kutumika.