KLABU ya Liverpool iko katika mzungumzo na Sporting Lisbon kujaribu kumuwania mshambuliaji wao Gelson Martins kufuatia hofu ya kushindwa dau la winga wa AS Roma Mohamed Salah. Taarifa kutoka nchini Ureno zinadai Martins mwenye umri wa miaka 22, ameingia katika rada za Liverpool kufuatia mazungumzo na Salah kukwama baada ya ofa yao ya paundi milioni 28 kukataliwa. Roma wanaaminika kutaka kitita cha paundi milioni 40 ka ajili ya nyota huyo wa kimataifa wa Misri mwenye umri wa miaka 24, hivyo kuwaacha Liverpool kufikiria chaguo lingine mpaka hapo klabu hiyo ya Italia itakapokubali kushusha bei. Taarifa zinadai kuwa sasa Liverpool wameanza mazungumzo na Sporting Lisbon kwa ajili ya nyota huyo wa kimataifa wa Ureno ambaye ana kitenzi cha paundi milioni 50 katika mkataba wake.
KLABU ya Manchester United imeipita Real Madrid katika orodha ya timu zenye thamani zaidi duniani kwa mujibu wa jarida la biashara la Forbes. United imetajwa kuwa thamani ya paundi bilioni 2.86 na kurejea kileleni kwa orodha hizo za mwaka kwa mara ya kwanza katika kipindi cha miaka mitano. Klabu ya Barcelona ya Hispania inashikilia nafasi ya pili kwa kuwa na thamani ya paundi bilioni 2.82 wakifuatiwa na Madrid walioshuka mpaka nafasi ya tatu kwa kuwa na thamani ya paundi bilioni 2.77. Timu sita za Uingereza zipo katika orodha ya 10 bora, ambazo ni Manchester City, Arsenal, Chelsea, Liverpool na Tottenham Hotspurs. Mabingwa wa Ujerumani, Bayern Munich wako nafasi ya nne, wakati mabingwa wa Italia Juventus wako nafasi ya tisa. Madrid ambao wameshinda mataji ya Ligi ya Mabingwa Ulaya na La Liga, wamekuwa wakiongoza orodha hizo kwa kipindi cha miaka minne iliyopita lakini wamekuta thamani yao ikishuka kwa asilimia mbili wakati United wao wakipanda kwa asilimia 11.
Forbes' top 20 most valuable football teams
1. Manchester United $3.69bn (£2.86bn)
2. Barcelona $3.64bn (£2.82bn)
3. Real Madrid $3.58bn (£2.77bn)
4. Bayern Munich $2.71bn (£2.1bn)
5. Manchester City $2.08bn (£1.61bn)
6. Arsenal $1.93bn (£1.5bn)
7. Chelsea $1.85bn (£1.43bn)
8. Liverpool $1.49bn (£1.15bn)
9. Juventus $1.26bn (£976m)
10. Tottenham $1.06bn (£821m)
11. Paris St-Germain $841m (£652m)
12. Borussia Dortmund $808m (£626m)
13. AC Milan $802m (£621m)
14. Atletico Madrid $732m (£567m)
15. West Ham $634m (£491m)
16. Schalke 04 $629m (£487m)
17. Roma $569m (£441m)
18. Inter Milan $537m (£416m)
19. Leicester City $413m (£320m)
20. Napoli $379m (£294m)
MSHAMBULIAJI wa kimataifa wa Ubelgiji, Romelu Lukaku amedai ni lazima aondoke Everton ili aweze kuimarika kama mchezaji. Lukaku amedai ameanza mazunyumzo na Everton kuhusu mustakabali wake na anataka kujiunga na klabu inayoshiriki michuano ya Ligi ya Mabingwa Ulaya na yenye uwezo wa kushinda taji hilo. Nyota huyo ambaye amefunga mabao 71 katika mechi 133 alizoichezea Everton, anawindwa na klabu za Chelsea na Manchester United na kusisitiza kuwa anataka kuhama ili kupiga hatua nyingine katika soka lake. Lukaku mwenye umri wa miaka 24 ambaye anathaminishwa kwa kitia cha paundi milioni 100 na Everton, amesema anafahamu anapotaka kwenda kwenda.
KLABU ya Borussia Dortmund imemteua meneja wa Ajax Amsterdam Peter Bosz kuwa meneja wao mpya kwa mkataba wa miaka 2019 kufuatia kuondoka kwa Thomas Tuchel. Bosz mwenye umri wa miaka 53 aliiongoza Ajax katika fainali ya Europa League mwezi uliopita ambapo walichapwa mabao 2-0 na Manchester United. Tuchel aliondoka Dortmund mwishoni mwa mwezi uliopita baada ya kuiongoza timu hiyo kwa miaka miwili. Tuchel aliiongoza Dortmund kutwaa taji la Kombe la Ujerumani msimu uliopita na pia kuwasaidia kufuzu michuano ya Ligi ya Mabingwa Ulaya kwa kushika nafasi ya tatu katika Bundesliga. Bosz alichukua nafasi ya Frank de Boer Ajax mwanzoni mwa msimu uliopita na alikuwa chini mkataba na klabu hiyo kutoka Amsterdam unaomalizika mwaka 2019.
WACHEZAJI wa Real Madrid wanatarajiwa kupewa bakshishi kubwa itakayovunja rekodi ili kuendana na msimu wa kihistoria waliopata. Madrid chini ya Zinedine Zidane aimefanikiwa kuwa klabu ya kwanza kufanikiwa kutetea taji lao la Ligi ya Mabingwa Ulaya baada ya kuichapa Juventus mabao 4-1 katika hatua ya fainali Jumamosi iliyopita. Msimu wa 2016-2017 pia umeshuhudia Madrid wakitwaa taji la La Liga kwa mara ya kwanza toka mwaka 2012 na pia kufanikiwa kutwaa taji la Super Cup la Ulaya na Klabu Bingwa ya Dunia. Bakshishi kwenda kwa wachezaji kwa mafanikio hayo ya kutwaa mataji manne inadaiwa kufikia kiasi cha paundi milioni mbili kwa kila mchezaji. Msimu uliomalizika ndio wa kwanza baada ya kupita miaka 59 kwa Madrid kufanikiwa kutwaa mataji mawili kwa mpigo.
KLABU ya Southampton inatarajia kuishitaki Liverpool Ligi Kuu kufuatia tuhuma za kuwasiliana na beki wake wa kati Virgil van Dijkl kinyume cha utaratibu. Beki huyo mwneye umri wa miaka 25 ameshaweka wazi kuwa anataka kwenda Anfield kama akiondoka Southampton kipindi hiki cha kiangazi. Nyota huyo wa kimataifa wa Uholanzi anayekadiriwa kuwa na thamani ya paundi milioni 50, alisaini mkataba mpya wa miaka sita mwaka jana, kufuatia kujiunga na Southampton akitokea Celtic kwa kitita cha paundi milioni 13 mwaka 2015. Liverpool bado hawajaifuata rasmi Southampton na kuwaomba ruhusa ya kuzungumza na Van Dijk lakini kumekuwa na tetesi kuwa klabu hiyo tayari ilishamfuata na kufanya mazungumzo na mchezaji huyo.
BEKI wa kimataifa wa Ureno na Real Madrid, Pepe amethibitisha kuwa ataondoka katika klabu hiyo lakini amesisitiza bado hajakubali dili lolote na Paris Saint-Germain kufuatia kubainisha anaiwndwa na klabu za Uingereza. Pepe mwenye umri wa miaka 34, anamaliza mkataba wake mwishoni mwa mwezi huu na alikuwa akitaka kupewa mkataba wa miaka miwili Madrid. Lakini baada ya kupewa ofa ya mkataba wa mwaka mmoja, ameamua kuondoka kutoka katika klabu hiyo aliyojiunga nayo mwaka 2007 akitokea FC Porto. Akizungumza na wanahabari, Pepe amesema ni wazi hataendelea na Madrid na anakwenda kutafuta changamoto mpya.
