BONDIA wa Tanzania, Selemani Kidunda anapanda ulingoni baadae leo katika Michuano ya Jumuiya ya Madola inayoendelea jijini Glasgow, Scotland kwa kuzipiga na Mnigeria, Kehinde Ademuyiyiwa katika pambano la uzito wa Kilogram 69. Mabondia wote walipima uzito na afya jana kuanzia asubuhi kwa saa za Scotland na michuano ya ndondi itaanza leo hadi Agosti 2 katika ukumbi wa Secc (Hall 4A), Nahodha wa Tanzania, Selemani Kidunda akianza kupeperusha bendera ya taifa. Kesho bondia Nasser Mafuru atapigana na bondia wa Ghana Jessie Lartey katika pambano la uzito wa kilo 60 ilikifiatiwa baadae na pambano la Fabian Gaudence ataezipiga na Mmalawi Steven Thanki. Michezo mingine ambayo itashirikisha wachezaji kutoka Tanzania kwa siku ya leo ni pamoja na kuogelea, Judo pamoja na mpira wa meza. Tanzania inawakilishwa na wanamichezo 39 katika michuano hiyo itakayoshindanishwa kwa siku 11 ambapo michezo watakayoshiriki ni pamoja na ngumi, riadha, judo, baisklei, mpira wa meza na kunyanyua uzito.
KOCHA wa timu ya taifa ya Costa Rica, Jorge Luis Pinto ameamua kujizulu wadhifa wa kuinoa timu hiyo aliyoifikisha katika hatua ya robo fainali ya michuano ya Kombe la Dunia iliyomalizika nchini Brazil kwasababu ya kukataliwa kuchagua benchi lake la ufundi analohitaji. Kocha huyo raia wa Colombia mwenye umri wa miaka 61 amesema amaechukua uamuzi huo baada ya kuona hataweza kufanya kazi katika mazingira anayohitaji. Pinto aliongeza kuwa kutokana na majadilano ya muda mrefu kushindwa kupata muafaka ameamua kuachia nafasi hiyo ili kuwapisha wengine. Rais wa Shirikisho la Soka la nchi hiyo, Eduardo Lee alithibitisha taarifa hizo na kumshukuru Pinto kwa kazi yake nzuri aliyofanya katika kipindi alichokuwa nao huku akimtakia kheri popote atakapoenda. Costa Rica walicheza mechi tano za Kombe la Dunia bila kufungwa kabla ya kutolewa na Uholanzi kwa changamoto ya mikwaju ya penati katika mchezo war obo fainali.
JAMHURI ya Kidemokrasi ya Congo-DRC imejiondoa katika kinyang’anyiro cha kugombea kuandaa michuano ya Mataifa ya Afrika-Afcon mwaka 2019 bila ya kutoa sababu yoyote. Maofisa wa Shirikisho la Soka la nchi hiyo wamedai kuwa ziara ya siku tano ya kikosi kazi kutoka Shirikisho la Soka barani Afrika-CAFkwa ajili ya ukaguzi iliyokuwa ifanyike mwezi huu imesitishwa. Nchi zingine zinazogombea nafasi hiyo ni pamoja na Algeria, Cameroon, Guine, Ivory Coast na Zambia ambapo uamuzi unatarajiw akutolewa Septemba mwaka huu. Morocco ndio wanaotarajiwa kuandaa michuano hiyo mwakani wakifuatiwa na Libya mwaka 2017.
BONDIA mahiri wa Uingereza, Tyson Fury amedai kuwa hataweza tena kupigana na hasimu wake katika ngumi za uzito wa juu Dereck Chisora baada ya bondia huyo kujitoa katika pambano lililokuwa lifanyike Jumamosi hii kutokana na majeruhi. Bondia huyo mwenye umri wa miaka 25 mzaliwa wa jiji la Manchester ambaye badala yake atapigana na Alexander Ustinov, amesema hadhani kama atakuja kupigana na tena na Chisora katika siku zijazo. Fury ilikuwa apambane na Chisora mwenye umri wa miaka 30 katika pambano ambalo mshindi angeweza kuvuzu kupata pambano la kugombania mkanda wa dunia wa WBO ambao unashikiliwa na Wladimir C. Fury ambaye alishuhudia mapambano yake mawili dhidi ya bondia David Haye yakisitishwa mwaka jana kutokana na majeruhi amesema anahisi mabondia hao huwa wanamuhofia hivyo wanafanya mazoezi ya nguvu sana yanayopelekea kupata majeruhi.
KIUNGO wa kimataifa wa Brazil, Fred amerejea katika klabu yake ya Shakhtar Donetski ambao ni mabingwa wa soka wa Ukraine baada ya timu hiyo kuhamisha makazi yake jijini Kiev. Fred mwenye umri wa miaka 21 alikuwa mmoja kati ya wachezaji sita waliogoma kurejea jijini Donetski kwasababu ya kuhofia usalama wao kutokana na mgogoro uliolikumba taifa hilo. Nyota mwingine wa kimataifa wa Brazil anayecheza nafasi ya ulinzi Ismaily anategemewa kurejea siku chache sijazo lakini Douglas Coast, Alex Teixeira, Dentinho na Fecundo bado hawajulikani kama watarejea. Ofisa Mkuu wa Shakhtar, Sergei Palkin amesema wengi kati yao wanaogopa hivyo wanajaribu kuwashawishi kwamba Ukraine ni salama na kama ikishindikana itabidi watumie mbinu zingine kuwarejesha. Wachezaji sita waligoma kuondoka Ufaransa mwishoni mwa wiki iliyopita baada ya klabu hiyo kucheza mechi yake kirafiki kutokana na mji wa Donetski kushikiliwa na waasi wa Urusi huku majeshi ya serikali ya Ukraine yakijaribu kuurejesha mji huo mikononi mwao.
TIMU mahasimu katika Ligi Kuu nchini Hispania maarufu kama La Liga, Barcelona na Real Madrid zinatarajiwa kukutana mwezi Octoba na Machi baada ya ratiba ya ligi msimu wa 2014-2015 kutangazwa mapema leo. Shirikisho la Soka la Hispania-RFEF lilithibitisha kuwa mchezo wa kwanza kati mahasimu hao ambao pia hujulikana kama Clasico Madrid watakuwa wenyeji wa Barcelona katika Uwanja wa Santiago Bernabeu Octoba 26 huku ule wa marudiano ukichezwa katika Uwanja wa Camp Nou Machi 22 mwakani. Ratiba hiyo inamaanisha mshambuliaji mpya wa Barcelona Luis Suarez anaweza asiruhusiwe kucheza mechi ya kwanza ya Octoba kama adhabu yake ya kufungiwa miezi minne haitapunguzwa wakati nyota wapya wa Madrid Toni Kroos wa Ujerumani na James Rodriguez wao wanaweza kucheza mechi yao ya kwanza ya El Clasico. Hata hivyo kabla ya mechi hiyo timu zote mbili zitaanza kampeni yao ya ligi kwa kucheza nyumbani ambapo Barcelona wataikaribisha Elche huku Madrid wakiwa wenyeji wa Cordoba mwishoni mwa wiki ya Agosti 23 na 24. Kwa upande wa mabingwa watetezi wa La Liga Atletico Madrid wao wataanza kampeni zao ugenini kwa kuivaa Rayo Vallecano huku Sevilla akiwa wenyeji wa Valencia, Levante wakipambana nyumbani na Villareal na Malaga wakicheza na Athletic Bilbao.
MSHAMBULIAJI nyota wa Liverpool Fabio Borini amepata majeruhi ya bega katika mchezo wa kirafiki kujiandaa na msimu mpya wa Ligi Kuu dhidi ya Roma ya Italia. Katika mchezo huo beki wa zamani wa kimataifa wa Uingereza Ashley Cole alicheza mechi yake ya kwanza akiwa na Roma mchezo uliofanyika katika Uwanja wa Fenway Park jijini Boston, Marekani. Liverpool walichabangwa bao 1-0 ambalo lilikuwa la kujifunga la Daniel Agger. Katika michezo mingine ya kirafiki ya kujipima nguvu iliyochezwa jana ni pamoja na Chelsea ambapo waling’ang’aniwa sare ya bao 1-1 dhidi ya timu ya RZ Pellets WAC huko Austria, Aston Villa ikiichabanga Dallas mabao 2-0 na Tottenham Hotspurs wakiinyesha kazi Toronto FC kwa kuifunga mabao 3-2. Michezo mingine ilikuwa Manchester United dhidi ya Los Angeles Galaxy ambapo kocha mpya Loius van Gaal alionyesha makali yake katika mchezo wa kwanza kushinda mabao 7-0 yaliyofungwa na Wayne Rooney, Ashley Young na Reece James ambao kila mmoja alifunga mawili na Danny Welberg. Kwa upande wa mabingwa wa Ligi Kuu Manchester City wao waliendeleza dozi zao kwa kuichapa Sporting Kansas City kwa mabao 4-1.
